(StudentTorget.no):
I den neste månaden kan du....
Sjå Haywire av Steven Soderbergh, med stjernelaget Ewan McGregor, Channing Tatum, Michael Douglas, Antonio Banderas og, ikkje minst, det store 2012-namnet Michael Fassbender. Premiere 6.april.
Sjå korleis Jonathan Safran Foer si fantastiske bok Ekstremt høyt og utrolig nært translaterer til lerretet. Vi er skeptiske til at valet fall på Tom Hanks og Sandra Bullock i hovudrollene, men gir filmen ein sjanse på grunn av den interessante 11.september-historia. Premiere 20. april.
Kose deg med nyleg utgitte Port of Morrow av The Shins. Fem år etter strålande Wincing the night away er våre favoritt-indieheltar tilbake med draumande, vakre tonar. Tekstane er ført i pennen av frontfigur James Mercer.
|
|
 MASSEMENNESKE: Dette er Anders Malms andre bok. |
Høyre Jack White (The White Stripes) sitt første reine soloalbum, Blunderbuss, spelt inn i hans eige studio i Nashville. White er også kjent frå The Dead Weather, The Raconteurs, samarbeid med Beck, Loretta Lynn og Rolling Stones, samt filmmusikken til Cold Mountain. Nashville is back. Ute 23. april.
Sjekke ut The Dandy Warhols live. 14. april spelar syrerockarane på Ole Bull Scene i Bergen, den 15. på Rockefeller i Oslo. Bandet er inkje mindre enn favorittbandet til David Bowie og har fleire gongar varma opp for Rolling Stones.
Lese om forholdet mellom punkdronning Patti Smith og fotograf Robert Mapplethorpe på norsk. Samlaget gir ut suksessboka Just Kids i norsk oversetting av Brit Bildøen. Boka skildrar rocke- og kunstmiljøet rundt Chelsea Hotel i New York på 60- og 70-talet. Ute i mars.
Lese Massemenneske av Anders Malm. Hans andre bok handlar om eit overvakingssamfunn. I 66. etasje i det store konsernbygget tilbringer den namnlause hovudpersonen dagane. Så oppdagar han at han er i ferd med å bli usynleg. Ute på Aschehoug.
LES OGSÅ: Tuva Novotny: Fra Hollywood til Norge
